لاہور کی سیشن عدالت نے اپوزیشن لیڈر شہباز شریف اور حمزہ شہباز کی درخواست ضمانت 10 جولائی تک منظور کرتے ہوئے ایف آئی اے کو گرفتاری سے روک دیا۔
سیشن کورٹ لاہو ر میں شہباز شریف اور حمزہ شہباز کی درخواست ضمانت قبل از گرفتاری کیس کی سماعت ہوئی تو شہباز شریف نے روسٹرم پر آکر اپنے حق میں دلائل دیئے۔
شہبازشریف نے کہا کہ سمجھ نہیں آئی ایف آئی اے نے مجھے کیوں طلب کیا؟ ایف آئی اے اہلکار جیل میں تفتیش کرنے آئے تھے ان کو بتایا تھا شوگر ملز سے کوئی تعلق نہیں میرے بچے خود مختار ہیں۔
ان کا کہنا تھا کہ ایف آئی اے کو مکمل ریکارڈ فراہم کر چکے ہیں، نیب کیسز بھگت رہاہوں، اب ایف آئی اے کو پیچھے لگا دیا گیا ایف آئی اے کو بتایا ملز بچوں کے نام ہیں وراثت سے آنے والی تمام جائیداد بچوں کے نام کردی۔
عدالت نے ایف آئی اے سے رپورٹ طلب کرتے ہوئے 10 جولائی تک ایف آئی اے کو گرفتاری سے روک دیا۔