اسرائیل نے جنگ بندی کی خلاف ورزی کرتے ہوئے غزہ پر رات گئے فضائی حملے کیے ہیں۔
بین الاقوامی میڈیا رپورٹس کے مطابق اسرائیل نے غزہ اور خان یونس کے علاقوں میں بمباری کی تاہم ان حملوں میں کسی جانے نقصان کی اطلاع نہیں ملی۔
اسرائیل نے الزام عائد کیا ہے کہ فلسطینی گروہوں کی جانب سے جنوبی اسرائیل کی جانب چھوڑے گئے آتشی غباروں کے ردعمل میں فضائی حملے کیے گئے۔
Gaza tonight pic.twitter.com/2iwp09R1js
— Muhammad Smiry 🇵🇸 (@MuhammadSmiry) June 15, 2021
مقبوضہ بیت المقدس میں اسرائیلی قوم پرستوں کی ریلی اسرائیل اور فلسطینی مزاحمت کاروں میں حالیہ کشیدگی کی وجہ بنی۔
اسرائیلی ریلی اور فلسطینیوں کے احتجاج کے بعد بیت المقدس میدان جنگ بن گیا، اسرائیلی فورسز نے فلسطینیوں پر شیلنگ جس کے نتیجے میں متعدد نوجوان زخمی ہوئے اور بعض کو گرفتار کیا گیا۔
اسرائیلی قوم پرستوں کی ریلی کے خلاف فلسطینیوں کے بیت اللحم اور غزہ میں بھی مظاہرے کیے گئے ہیں۔