باکو (انٹرنیشنل ڈیسک) ترکی کے صدر رجب طیب اردوان سرکاری دورے پر آذربائیجان کے دارالحکومت باکو پہنچ گئے، جہاں الہام علییف نے ان کا استقبال کیا۔ تُرک ذرائع ابلاغ کے مطابق اپنے دورے کے دوران صدر اردوان آرمینی فوج کے 28 سالہ قبضے سے چھڑائے گئے پہاڑی علاقے قارا باخ کے شہر شوشا بھی گئے۔ آذری ہم منصب سے ملاقات کے دوران دونوں رہنماؤں نے شوشامعاہدے پر دستخط بھی کیے۔ صدر اردوان نے کانفرنس کے دوران کہا کہ شوشامعاہدہ دونوں ممالک کے تعلقات میں ایک نئے دور کا آغاز ہوگا۔ آرمینیا کے ساتھ 44 روز ہ جنگ کے بعد قارا باخ اپنے اصل وطن سے مل گیا،جس پر ایک بار پھر آذری عوام کو مبارک باد پیش کرتا ہوں۔
