تہران کو تباہی پھیلانے والے ہتھیاروں کی ضرورت نہیں، ایرانی صدر

209

تہران: ایران کے صدر حسن روحانی نے کہا ہے کہ تہران کو اپنے علاقے اور سلامتی کے دفاع کے لیے بڑے پیمانے پر تباہی پھیلانے والے ہتھیاروں کی ضرورت نہیں۔

بین الاقوامی میڈیا کے مطابق  ایرانی صدر کا  افتتاحی تقریب سے خطاب میں کہنا تھا کہ ایران اپنے جوہری پروگرام کے ذریعے جوہری ہتھیاروں کے حصول کی کوشش نہیں کررہا ہے، جوہری معاہدے پر عمل درآمد خطے میں سلامتی اور استحکام کو مستحکم کرنے کا باعث بنے گا۔

انہوں نے مزید کہا کہ ایران کا پیغام واضح ہے اور اگر تمام فریقین جوہری معاہدے کی پاسداری کرتے ہیں تو تہران اپنی جوہری پروگرام کو محدود کرنے پر تیار ہوگا اور تمام شرائط پرعمل درآمد کرے گا۔

انہوں نے کہا کہ ان کا ملک جنگوں کو بھڑکانے اور تنا ئوکو بڑھانا نہیں چاہتا تاہم اپنی سرزمین پر کسی بھی جارحیت کا منہ توڑ جواب دے گا۔