اٹلیـ: مسلح شخص کی فائرنگ سے 2 بچے اور معمر شخص ہلاک

288
روم: امدادی کارکن فائرنگ کے مقام سے لاشیں اٹھا رہے

روم (انٹرنیشنل ڈیسک) اٹلی میں مسلح شخص نے فائرنگ کرکے 2 بچوں اور ایک معمر شخص کو ہلاک کردیا۔ بین الاقوامی خبررساں اداروں کے مطابق اٹلی کے شہر روم کے ایک قصبے میں مسلح شخص نے سڑک پر فائرنگ کرکے 2بچوں اور معمر شہری کو ہلاک کردیا۔ واقعے کی اطلاع ملنے پر مقامی پولیس نے حملہ آور کی لاش بھی قریبی عمارت سے برآمد کرلی۔ مقامی پولیس کا کہنا ہے کہ فائرنگ کے بعد حملہ آور عمارت میں گھس گیا تھا۔ اہل کاروں نے جب دروازہ توڑکر اندر گھسنے کی کوشش کی اس نے خود کو گولی مارلی۔ حکام کا کہنا ہے کہ واقعے سے متعلق مزید تحقیقات کی جارہی ہے۔