کویت نے غیرملکیوں کی مملکت میں آمد پر پابندی میں تاحکم ثانی توسیع کر دی۔
کویتی میڈیا کے مطابق حکومت نے کورونا وبا کے تناظر میں عائد کردہ غیرملکیوں پر پابندی کو برقرار رکھنے کا فیصلہ کیا ہے۔
غیرملکیوں کے مملکت میں داخلے پر تاحکم ثانی پابندی عائد رہے گی البتہ بیرون ملک پھنسے کویتی شہریوں اور مقیم افراد کو ایس او پیز کے تحت داخلے کی اجازت ہو گی۔
حکومت کا کہنا ہے کہ پابندی برقرار رکھنے کا فیصلہ کورونا کی نئی اقسام اور شکلوں کو مدنظر رکھتے ہوئے کیا گیا ہے۔
واضح رہے کہ کویت سے باہر پھنسے ہوئے غیر ملکی اساتذہ کی واپسی کی تاریخ طے کردی گئی ہے، کویتی حکومت کا کہنا ہے کہ مذکورہ اساتذہ یکم اگست سے نئے ورک ویزوں پر ملک میں داخل ہوسکتے ہیں۔