قلات/ منگچر (این این آئی)حکومت آخری سسکیاں لے رہی ہے، پی ڈی ایم کی اجلاس میں جلد اسلام آباد لانگ مارچ کا اعلان کیا جائے گا ،پی ڈی ایم پہلے سے مضبوط ہو چکی ہے، اسرائیلی وحشیانہ بمباری کے خلاف 21 مئی کو ملک بھر میں یوم احتجاج منایا جا ئے گا نا اہل حکومت نے عیدالفطر چاند کو متنازعہ بنا دیا جان بوجھ کر عوام میں مایوسی پیدا کی ۔ان خیالات کا اظہار جمعیت علما اسلام کے مرکزی سیکرٹری جنرل سینیٹر مولانا عبدالغفور حیدری جمعیت علما اسلام تحصیل منگچر کے وفد ڈاکٹر عبدالمالک نیچاری، قاری عبدالطیف لانگو ،ڈاکٹر یعقوب بلوچ ،ڈاکٹر ظہیر لانگو، ڈاکٹر صالح سمالانی، محمدعمر غزنوی، مولانا عبد الناصر سمالانی، مفتی عبدالغفار ٹکری، علی دوست لانگو، مولانا خداداد لہڑی ،مولانا محمد انور لہڑی اورحافظ افضل لہڑی ودیگر رہنماؤں نے ملاقات کی ۔انہوں نے گفتگو کرتے ہوئے کہا کہ نااہل حکومت آخری سسکیاں لے رہی ہے سعودی کے دورہ سے زکوٰۃ کے علاوہ کچھ نہیں ملا حکومت کی ناکامی کا واضح ثبوت ہے اسرائیلی وحشیانہ بمباری سے فلسطینیوں کی شہادت عالم برادری کی خاموش تماشائی افسوس ناک ہے قائد جمعیت رہبر امت حضرت مولانا فضل الرحمن کے حکم پر 21 مئی کو ملک بھر میں اسرائیلی جارحیت کے خلاف اور فلسطینیوں سے اظہار یکجہتی کیلیے ریلی نکالی جائے گی تمام مسلمان 21 مئی سڑکوں پر نکلیں۔ انہوں نے مزید کہا کہ پی ڈی ایم کے اجلاس میں جلد اسلام آباد لانگ مارچ کا اعلان کیا جائے گا پی ڈی ایم کے تمام ورکرز تیاریاں کریں پی ڈی ایم پہلے سے مضبوط اور منظم ہو چکی ہے جانے والے دو پارٹیوں کو موقع دیتے ہیں کہ وہ پی ڈی ایم کے قافلے میں شامل ہو جائیں تاکہ نااہل حکومت سے عوام اور ملک کو مل کر نجات دلائی۔
