ویرو کے رہنما میر ذوالفقار نے جسارت سے گفتگو کرتے ہوئے کہا ہے کہ پنشن کی ادائیگی کرنے والا ادارہ ای او بی آئی کی خاص اہمیت ہے یہ ادراہ مزدوروں اور ایمپلائرز کے کنٹری بیوشن سے پنشن کی ادائیگی کرتا ہے جس سے مزدوروں کی کچھ معاشی ضروریات اور صحت کے اخراجات پورے ہوتے ہیں۔ بدقسمتی سے اس ادارہ میں کئی دہائیوں سے لوٹ مار اور کرپشن کا بازار گرم ہے۔ پچھلی اور موجودہ تمام حکومتوں نے سیاسی بنیاد پر اس کے چیئرمین کا تقرر کرتے ہیں اور ہمیشہ میرٹ کی دھجیاں بکھیری جاتی ہیں۔ سیاسی بنیادوں پر تقرر کیے گئے چیئرمین لوٹ کھسوٹ اور کرپشن میں ملوث پائے گئے ہیں۔ لہٰذا تقریباً تمام چیئرمینوں کی مدت ملازمت خم ہونے کے بعد ان پر کرپشن کے کیسز قائم کیے گئے ہیں۔ میرٹ پر نئے چیئرمین کی تقرری کے بجائے پچھلے چیئرمین اظہر حمید کی مدت ملازمت ختم ہونے کے بعد انہیں دوبارہ چیئرمین بنانے کی تیاریاں کی جارہی ہیں۔ جس کی مکمل مذمت کی جانی چاہیے۔ پچھلے چیئرمین صاحب پر ای او بی آئی میں بڑے پیمانے پر کرپشن کرنے کا الزام ہے۔ ہمارا مطالبہ ہے کہ ان پر کرپشن کے مقدمات قائم کیے جائیں اور سزائیں دی جائیں۔ ادارہ میں میرٹ کی بنیاد پر ایسے چیئرمین کا تقرر کیا جائے جو نہ صرف ادارہ کی ساکھ کو بحال کرے، مزدوروں اور اجیران کا اعتماد ادارہ پر بحال کرے اور اس کی رجسٹرڈ ممبران کی تعداد میں اضافہ کرے۔ مزدور تنظیموں کو ایک پلیٹ فارم پر متحد ہو کر اطہر حمید کی بطور چیئرمین تقرری کے خلاف آواز اٹھانی چاہیے کیوں کہ یہ ادارہ کی بقاء اور ترقی کے لیے ضروری ہے۔
