کورونا وائرس کے کیسز میں اضافے کے سبب ملائیشیا نے پاکستان پر عارضی سفری پابندی لگادی۔
غیر ملکی میڈیا کے مطابق ملائیشیا حکومت نے ملک میں پاکستانی مسافروں کا داخلہ بند کردیا، اس حوالے سے نوٹی فکیشن بھی جاری کردیا گیا۔
نوٹی فکیشن میں کہا گیا کہ کل ہفتہ 8 مئی سے پابندی کا اطلاق ہوگا جو تا حکم ثانی برقرار رہے گا۔ کل سے پاکستان سے ملائشیا جانے والے مسافروں کا داخلہ روک دیا جائے گا۔
تاہم سفارتی اہلکاروں کو ملائیشیا جانے کی اجازت ہوگی۔ سفارت کاروں کو 14 دن قرنطینہ رہنے کے بعد جانے کی اجازت ہوگی۔
ملائشین ڈی جی ایمیگریشن نے پی آئی اے کو پابندی سے آگاہ کردیا۔ پی آئی اے ہفتے میں ایک پرواز کوالالمپور کے لیےآپریٹ کرتی تھی۔