بابر اعظم دوسروں کو سمجھانے کی کوشش نہ کریں ، شعیب اختر

101

اسلام آباد(جسارت نیوز) سابق فاسٹ بولر شعیب اختر نے پاکستان کے کپتان بابر اعظم سے کہا ہے کہ وہ دوسروں کو سمجھانے کی کوشش نہ کریں کہ وہ اپنے فیصلوں میں آزاد ہیں اور کوئی ڈیکٹیٹس نہیں کرتا ہے۔ شعیب اختر نے کہا کہ ان کیلیے یہ ضروری نہیں ہے کہ وہ ٹویٹر پر آکر یہ پیغام دے کہ میں اتھارٹی ہوں اور میں خود فیصلے کرتا ہوں۔ مضبوط افراد شکایت نہیں کرتے بلکہ فیصلے کرتے ہیں، ظاہر ہے کہ یہ آپ کا بطور کپتان پہلا سال ہے لیکن چند سال بعدآپ میچور ہوجائیں گے اور پاکستان کے لئے ایک برانڈ بنیں گے۔ بہتر لوگوں سے مشورہ کیاکریں اور ایک مضبوط آدمی بننے کی کوشش کریں۔