“وزیراعظم اسمبلیاں توڑ سکتے ہیں، اس میں کوئی شک نہیں”

وفاقی وزیر منصوبہ بندی و ترقی اسد عمر کا کہنا ہے کہ وزیر اعظم عمران خان اسمبلیاں توڑ سکتے ہیں، اس میں کوئی شک نہیں۔

ذرائع ابلاغ کے مطابق اپنے ایک بیان میںاسد عمر نے کہا کہ عمران خان سیاست دان نہیں لیڈر ہیں۔ وہ اقتدار کے لیے سیاست میں آئے ہی نہیں، اقتدار صرف عوام کی خدمت کا ذریعہ ہے۔

وفاقی وزیر نے مزید کہا کہ خیبر پختونخوا میں دس بارہ لوگوں کا گروپ بن گیا تو خبریں چل رہی تھیں کہ اب حکومت گئی۔ عمران خان نےان سےکہا کہ میں نےآپ کی ساری بات سن لی، بلیک میلنگ نہیں چلےگی۔

مجھ سے سوال پوچھا گیا تھا کے کیا عمران خان اسمبلی توڑ سکتے ہیں، اس کا جواب اس کلپ میں دیکھیے. @ImranKhanPTI سیاست دان نہیں لیڈر ہے. وہ اقتدار کے لئے سیاست میں آئے ہی نہیں. اقتدار صرف عوام کی خدمت کا ذریعہ ہے pic.twitter.com/g7A6kaTNus

— Asad Umar (@Asad_Umar) April 30, 2021

اسد عمر نے کہا کہ وزیراعظم کہہ سکتے ہیں کہ میں واپس عوام کے پاس جاؤں گا، مجھے کام کرنے نہیں دیا جا رہا۔

انہوں نے کہا کہ وزیراعظم اسمبلیاں توڑ سکتے ہیں، اس میں کوئی شک نہیں۔ عمران خان وزارت عظمیٰ کو مختصر کر سکتے ہیں۔ عمران خان اقتدارسےچمٹنے والے نہیں۔