لاہور:پاکستان مسلم لیگ (ن)مرکزی نائب صدر مریم نواز نے صوبہ پنجاب کی وزیر صحت ڈاکٹر یاسمین راشد کی صحت کیلئے نیک تمناؤں کا اظہار کیا ہے۔
سماجی رابطے کی سائٹ ٹوئٹر پر اپنے بیان میں مریم نواز نے لکھا کہ ڈاکٹر یاسمین راشد کی صحت کیلئے دعا گو ہوں، میری والدہ نے اس موذی مرض کا سامنا کیا ہے اور میں جانتی ہوں یہ کتنی تکلیف دہ بیماری ہے،انہوں نے مزید کہا کہ یاسمین راشد بھی ماں ہیں، اللہ تعالی ماں کو سلامت رکھے۔
ڈاکٹر یاسمین راشد کی صحت کے لیے دعا گو ہوں۔ میری والدہ نے اس موذی مرض کا سامنا کیا ہے اور میں جانتی ہوں یہ کتنی تکلیف دے بیماری ہے۔ ڈاکٹر صاحبہ بھی ماں ہیں۔ اللّہ ماؤں کو سلامت رکھے۔ آمین
— Maryam Nawaz Sharif (@MaryamNSharif) April 30, 2021
خیال رہے کہ پنجاب کی وزیر صحت ڈاکٹر یاسمین راشد کینسر سے جنگ لڑ رہی ہیں اور موذی بیماری کے علاج کے دوران بھی کورونا چیلنج سے نبردآزما ہیں۔
