القاعدہ نے امریکا کیخلاف نیا علَمِ جنگ بلند کردیا

556

امریکہ کی “دہشت گردی کے خلاف جنگ” ایک نئے مرحلے میں داخل ہونے جا رہی ہے

سی این این کے مطابق صدر جو بائیڈن نائن الیون کی 20 ویں برسی تک افغانستان سے تمام امریکی افواج کو واپس بلانے کی تیاری کر رہے ہیں لیکن القاعدہ اب بھی پیچھے ہٹنے کو تیار نہیں ہے۔

سی این این کو دیے گئے ایک خصوصی انٹرویو میں القاعدہ کے عہدیداروں نے دعویٰ کیا ہے کہ امریکا کیخلاف جنگ ختم ہونے کے دور دور تک کوئی امکان نہیں ہیں۔

القاعدہ کے دو عہدیداروں نے سی این این کو بتایا کہ جب تک امریکا اب تمام عالم اسلام سے بے دخل نہیں ہوتا اس وقت تک امریکہ کے خلاف جنگ جاری رہے گی۔

عہدیداروں نے طالبان کا شکریہ ادا کرتے ہوئے کہا کہ امریکا کیخلاف جنگ جاری رکھنے پر القاعدہ طالبان کی مشکور ہے۔

انہوں نے یہ بھی کہا کہ ایسے بہت سارے جہادی محاذ ایک طویل عرصے سے عالم اسلام کے مختلف حصوں میں کامیابی کے ساتھ کام کر رہے ہیں۔

واضح رہے کہ 2 مئی 2021 کو اسامہ بن لادن کی شہادت کو دس سال ہوجائیں گے۔