اسلام آباد: پاکستان میں کورونا وبا کی تیسری لہر میں شدت آنے کے باوجود برٹش کونسل کے تحت ہونے والے ‘او لیولز’ امتحانات کا آغاز آج سے ہو رہا ہے۔
تفصیلات کے مطابق لاہور میں برٹش کونسل کے تحت او لیول آفٹر نون امتحانات کا آغاز دن 2 بجے ہوگا اور امتحانات کے دوران کورونا ایس او پیز کا خاص اہتمام کیا گیا ہے۔
— Shafqat Mahmood (@Shafqat_Mahmood) April 25, 2021
وفاقی وزیر تعلیم شفقت محمود کی جانب سے سماجی رابطے کی ویب سائٹ پر جاری بیان میں بتایا گیا ہےکہ جو طلبہ مطمئن نہیں وہ اکتوبر ، نومبر میں امتحانات دے سکتے ہیں اور کیمبرج طلبہ کو اکتوبر، نومبر کے امتحانات کیلیے کوئی اضافی فیس نہیں دینی ہوگی۔
شفقت محمود نے کہاہے کہ کیمبرج انتطامیہ سے کہا ہے اے لیولز کے باقی امتحانات کیلیے 13 مہینے کی شرط پر نظرثانی کرے، کیمبرج غیرمعمولی صورتحال کو مدنظر رکھے، امید ہے اس بارے میں جلد ہی مثبت فیصلہ کیا جائے گا۔
Wishing all students taking exams starting from today, the very best. These are tough times and difficult decisions have been made keeping the students best interest in view. British Council is committed to strict implementation of SOPs and we will monitor them closely. Good Luck
— Shafqat Mahmood (@Shafqat_Mahmood) April 26, 2021
وفاقی وزیر تعلیم شفقت محمود نے ٹوئٹ میں آج امتحانات میں شریک ہونے والے طلبہ کیلیے نیک خواہشات کا اظہاربھی کیا جبکہ انہوں نے کہا کہ مشکل حالات میں امتحانات کا فیصلہ بچوں کے مستقبل کیلیےکیا ، برٹش کونسل ایس او پیز پر سختی سے عمل درآمد کے لیے پرعزم ہے۔
انہوں نے کہا کہ حکومت ایس او پیز پر عملدرآمد یقینی بنانے کیلیے مانیٹرنگ کرے گی جبکہ امتحانی مراکز کی تصاویر بھی شیئر کیں جس میں دیکھا جاسکتا ہےکہ امتحان کے دوران کورونا سے بچاؤ کی تمام ایس او پیز پر عملدرآمد کروایا جارہا ہے۔
Exams underway at KGS pic.twitter.com/5Fun4lUjY7
— Shafqat Mahmood (@Shafqat_Mahmood) April 26, 2021
دوسری جانب انہوں نے بتایا تھا کہ کیمبرج کے امتحانات وزرائے صحت کے کہنے پر کرارہے ہیں، وزراء صحت کے مطابق کیمبرج میں محدود طلبہ ہیں اس لیے امتحانات ہو سکتے ہیں۔
وفاقی وزیر تعلیم شفقت محمود کا کہنا تھا کہ میٹرک اور انٹر کے امتحانات مئی کے تیسرے یا چوتھے ہفتے میں ہوں گے جبکہ کیمبرج نے پاکستان سے کہہ دیا ہے اسکول اسسمنٹ گریڈز نہیں ہوں گے، امتحانات کروانے لازم ہیں۔
