جوہانسبرگ (رپورٹ: سید وزیر علی قادری) : پاکستان کرکٹ ٹیم جنوبی افریقا سے زمبابوے کے دارلحکومت ہرارے روانہ ہوگئی، دورے کے دوران 3 ٹی 20 اور 2 ٹیسٹ میچز کھیلے جائیں گے۔
تفصیلات کے مطابق پاکستان کرکٹ ٹیم دورہ جنوبی افریقا مکمل ہونے کے بعد جوہانسبرگ سے ہرارے کے لیے روانہ ہوگئی ہے، ٹیم پاکستان چارٹرڈ فلائٹ سے زمبابوے روانہ ہوئی ہے اور ہرارے پہنچنے پر پورے اسکواڈ کا کورونا ٹیسٹ کیا جائے گا۔
The boys are all set to leave for Zimbabwe#ZIMvPAK | #HarHaalMainCricket pic.twitter.com/Dwn9SyGRZL
— Pakistan Cricket (@TheRealPCB) April 17, 2021
زمبابوے کے دارلحکومت ہرارے روانگی سے قبل قومی ٹیم کے کپتان بابر اعظم نے میزبان ٹیم کی مہمان نوازی کا شکریہ ادا کیا اور امید ظاہر کی جلد جنوبی افریقا کی کرکٹ ٹیم پاکستان کا دورہ کرے گی۔
بابراعظم کا کہنا تھا ہم فتح یاب ہوکر دوسری سیریز کھیلنے جارہے ہیں اور ان شاءاللہ جیت کر وطن واپس پہنچیں گے اور عید کا تحفہ پوری قوم کو دیں گے جن کی دعاؤں سے ہمیں اللہ کریم کے فضل سے کامیابی حاصل ہوگی نہ صرف اپنی کارکردگی بلکہ جیت کا تسلسل کا عزم لیے جنوبی افریقا سے رخصت ہورہے ہیں۔
Preparing for #ZIMvPAK Tests 🏏#HarHaalMainCricket pic.twitter.com/K156KlweE8
— Pakistan Cricket (@TheRealPCB) April 17, 2021
دوسری جانب قومی کرکٹ ٹیم کی مینجمنٹ نے زمبابوے کے خلاف کھیلی جانے والی ٹی 20 سیریز کے لیے فاسٹ باؤلر شاہین شاہ آفریدی کو ریسٹ دینے کا فیصلہ کیا ہے۔
شاہین شاہ آفریدی زمبابوے کے خلاف قومی کرکٹ ٹیم کے سکواڈ کا حصہ ہونگے تاہم ان کی جگہ نئے فاسٹ باؤلر کو موقع دیا جائے گا۔
شاہین شاہ آفرید کی جگہ ارشد اقبال، وسیم جونئیر اور محمد حسنین کو کھلائے جانے کا امکان ہے، پاکستان اور زمبابوے کے درمیان ٹی 20 سیریز 21 اپریل سے شروع ہوگی۔