پی این ایس سی ایمپلائیز ورکرز یونین کے صدر چودھری محمد اشتیاق اور جنرل سیکرٹری سہیل عابد نے اپنے ایک بیان میں کہا ہے کہ پاکستان نیشنل شپنگ کارپوریشن پی این ایس سی میں ملازمین کے ساتھ سوتیلی ماں والا سلوک بند کیا جائے جب سے کنٹریکٹ اسٹاف نے معزز عدالت ہائی کورٹ سندھ کراچی میں ریگو لرائزیشن کے لیے کیس کیا ہوا ہے جو کہ معزز عدالت میں زیر التواء ہے مگر پی این ایس سی کی انتظامیہ خصوصاً ڈائریکٹر ایچ آر شکیل اور ایچ آر منیجر ماریہ ذیشان نے ان ملازمین کے ساتھ انتقامی کارروائیاں جاری رکھے ہوئے ہیں کبھی تو پرفامنس بونس کاٹ لیا جاتا ہے اور کبھی ایڈھاک الاؤنس روک دیا گیا ہے اور اس کے علاوہ تمام انکریمنٹ روک کر ذہنی ٹارچر کیا جارہا ہے اور اب کیس میں ملازمین کی اے سی آر کو بیلو ایوریج کر کے دھمکایا جارہا ہے تاکہ کیس واپس لیا جائے۔ پی این ایس سی ایمپلائیز ورکرز یونین ایسے تمام ہتھ کنڈوں کی مذمت کرتی ہے اور چیئرمین پی این ایس سی سے درخواست کرتی ہے کہ ان انتقامی کارروائیوں کو روکا جائے اور معزز عدالت کے فیصلہ کا انتظار کیا جائے۔