اسلام آباد: چیئرمین سینیٹ کے انتخاب کے دوران سینیٹ میں لگے خفیہ کیمروں کی تحقیقات کے لیے کمیٹی تشکیل دے دی گئی۔
سینیٹ سیکریٹریٹ نے سینیٹ میں خفیہ کیمروں کے معاملے پر تحقیقات کمیٹی تشکیل دی ہے جس کا نوٹی فکیشن بھی جاری کردیا گیا ہے۔
نوٹی فکیشن کے مطابق کمیٹی تحقیقات کرے گی کہ سینیٹ میں خفیہ کیمرے کس نے لگائے۔ کمیٹی میں سرفراز بگٹی،طلحہ محمود اور ہدایت اللہ شامل ہیں۔
ای ڈی پپس بھی تحقیقاتی کمیٹی کا حصہ ہوں گے۔ کمیٹی ایک ماہ میں تحقیقات مکمل کرنے کی پابند ہوگی۔
نوٹی فکیشن کی کاپی اٹارنی جنرل، سیکریٹری صدر، سیکرٹری وزیراعظم کو بھیج دی گئی۔
Myself and Dr Musadik found spy cameras right over the polling booth!!!! pic.twitter.com/aqRGFRYFbq
— Mustafa Nawaz Khokhar (@mustafa_nawazk) March 12, 2021
چیئرمین اور ڈپٹی چیئرمین سینیٹ کے انتخاب کے دوران مصطفیٰ نواز کھوکھر اور مصدق ملک نے پولنگ بوتھ میں خفیہ کیمروں کی نشاندہی کی تھی۔اس کے بعد اپوزیشن کی جانب سے احتجاج کیا گیا تھا۔
https://twitter.com/DrMusadikMalik/status/1370235911255031808?s=20