برطانوی طبی ماہرین نے کورونا وائرس کا نومولود بچوں کو متاثر کرنے پر ایک تحقیق کی ہے جس میں بتایا گیا کہ کورونا کے باعث مردہ بچوں کی پیدائش کی شرح میں اضافہ ہوا ہے۔
برطانوی تحقیق میں 17 ممالک کے اعداد و شمار اکھٹے کیے گئے۔ تحقیق میں بتایا گیا ہے کہ کورونا وبا کے دوران زچگی کے دوران اموات کی شرح ایک تہائی بڑھی۔
تحقیق میں مزید کہا گیا کہ کورونا لاک ڈاؤن کےسبب کم آمدنی والےممالک میں ماں،بچوں کی اموات ہوئیں جب کہ لاک ڈاؤن سے میٹرنٹی سروس سمیت ہیلتھ کیئر خدمات میں خلل پڑا۔
برطانوی طبی ماہرین نے کہا کہ کورونا لاک ڈاؤن سے خواتین اور نوزائیدہ بچوں پر بدتر نتائج ہوئے۔
