بھارت: سابق وزیر پر ہراسگی کا الزام لگانے والی لڑکی اچانک غائب

بھارتی میڈیا کے مطابق لڑکی کے باپ نے بھارتی ریاست کرناٹک کے سابق وزیر برائے آبی وسائل رمیش جرکھولی پر الزام عائد کیا ہے جس میں ان کا کہنا ہے کہ منسڑ نے اس کی بیٹی کو اغوا کیا ہے۔

بھارتیہ جنتا پارٹی کے رہنما رمیش جرکھولی نے 3 مارچ کو ٹیلی ویژن چینلز کی طرف سے لڑکی کے ساتھ اپنی متنازعہ ویڈیو نشر کرنے کے بعد آبی وسائل کے عہدے سے استعفیٰ دے دیا تھا۔ ان پر الزام تھا کہ انہوں نے سرکاری ملازمت مہیا کرنے کیلئے لڑکی سے غیر مناسب تعلقات قائم کیے۔

متاثرہ لڑکی نے الزام عائد کیا تھا کہ منسٹر نے اُسے سرکاری نوکری کے بہانے دھوکہ دیا اور اُسے کو ہراساں کرکے دباؤ ڈالا تاکہ اس کی ویڈیو بھی بنائی جاسکے

بیلگاوی سٹی پولیس نے منگل کے روز اس لڑکی کے والد کے بیان کے بعد شکایت درج کرلی ہے جس میں والد کا کہنا ہے کہ وہ 2 مارچ سے اپنی بیٹی سے رابطہ نہیں کر پارہے۔