قدیم مشرقی افریقہ میں آتش فشاں کی باقیات میں دبے 400 قدیم انسانوں کے قدموں کے نشان ملے ہیں جن کی مدد سے ان انسانوں کی معاشرتی زندگی کے بارے میں جاننے میں مدد ملے گی۔
پٹسبرگ کی یونیورسٹی کے ارتقائی ماہر حیاتیات کیون ہاتالہ اور ان کے ساتھیوں کا کہنا ہے کہ یہ دریافت جو شمالی تنزانیہ میں ایک گاؤں اینگارے سیرو کے قریب پائی گئی ہے ، افریقی ممالک میں پائے جانے والے قدیم انسانی نقوش کا سب سے بڑا ذخیرہ ہے۔
محققین نے سائنسی رپورٹس میں 14 مئی کو رپورٹ کیا ہے کہ ان لوگوں نے تقریبا 19،100 سے 5،760 سال پرانی آتش فشاں ملبے کی ایک کیچڑ والی پرت کو عبور کیا تھا۔ تاہم پیروں کے نشانات کی عمر 12،000 سے 10،000 سال پہلے کی ہے۔
