دہلی: بھارتی فضائیہ کا مگ 21 طیارہ گر کر تباہ ہو گیا جس کے نتیجے میں طیارے میں سوار گروپ کیپٹن ہلاک ہو گیا۔
بین الاقوامی میڈیا کے مطابق بھارتی ریاست مدھیا پردیش میں فضائیہ کے مگ21 طیارے نے وسطی انڈیا میں ائیر بیس سے ٹریننگ مشن کے لیے اڑان بھری تھی کہ وہ گر کر تباہ ہو گیا۔
بھارتی فضائیہ نے مگ 21 طیارے کے تباہ ہونے کی تصدیق کرتے ہوئے بتایا کہ حادثے میں گروپ کیپٹن اے گپتا ہلاک ہوئے ہیں ۔
بھارتی فضائیہ کے مطابق حادثے میں طیارے کا پائلٹ کیپٹن گپتا ہلاک ہوا ہے اور جہاز تربیتی پرواز پرتھا اور لینڈنگ کے دوران یہ واقعہ تکنیکی خرابی کے باعث پیش آیا ہے۔
A MiG-21 Bison aircraft of IAF was involved in a fatal accident this morning, while taking off for a combat training mission at an airbase in central India.
— Indian Air Force (@IAF_MCC) March 17, 2021
بھارتی فضائیہ نے طیارہ حادثے میں پائلٹ کی ہلاکت پر افسوس کا اظہار کرتے ہوئے واقعے کی انکوائری کا حکم دے دیا ہے۔
