اسلام آباد: پاک بحریہ کےسربراہ ایڈمرل محمد امجدخان نیازی سرکاری دورے پر بحرین پہنچے ہیں جہاں ان کا پرتپاک استقبال کیا گیا ، جس کے بعد انہوں نے بحرین کے اعلیٰ حکام سے ملاقاتیں کیں ہیں۔
ترجمان پاک بحریہ کے مطابق پاک بحریہ کے سربراہ ایڈمرل محمد امجدخان نیازی نے بحرین کا سرکاری دورہ کیا ہے جبکہ رائل بحرین نیول فورس کے ہیڈ کوارٹرز آمد پرسربراہ پاک بحریہ کا پرتپاک استقبال کیا گیا اور نیول چیف کو روایتی انداز میں گارڈ آف آنرپیش کیا گیا۔
CNS Admiral Muhammad Amjad khan Niazi is on official visit to Bahrain. Upon his arrival at Royal Bahrain Naval Forces (RBNF) HQ, Naval Chief was received by Commander RBNF and presented Guard of Honour. A comprehensive briefing was also given to the Admiral regarding RBNF.(1/3) pic.twitter.com/524SRGAzGZ
— DGPR (Navy) (@dgprPaknavy) March 16, 2021
ترجمان پاک بحریہ کے مطابق نیول چیف کی بحرین ڈیفنس فورسز کےکمانڈر ان چیف سے ملاقات ہوئی، اس کے علاوہ نیول چیف نے کمانڈر بحرین نیشنل گارڈز،کمانڈر رائل بحرین نیول فورسز سے بھی ملاقات کی، ملاقات میں باہمی دلچسپی کے پیشہ ورانہ امور، دو طرفہ دفاعی تعاون پرتبادلہ خیال کیا گیا۔
ترجمان پاک بحریہ کے مطابق نیول چیف نےعلاقائی سمندری تحفظ کیلئےپاک بحریہ کےکردار پر روشنی ڈالی، میزبان حکام نے بحری امن واستحکام کیلٸے پاک بحریہ کی کاوشوں کوسراہا، ملاقات میں نیول چیف کو رائل بحرین نیول فورسز کی استعداد کار پر بریفنگ دی گئی۔
The Naval Chief called on Cdr-in-Chief Bahrain Defence Forces, Cdr Bahrain National Guard, Cdr Royal Bahrain Naval Force & Deputy Cdr US NAVCENT in separate meetings. During interactions, matters related to maritime security & bilateral defence collaborations were discussed.(2/3)
— DGPR (Navy) (@dgprPaknavy) March 16, 2021
ترجمان پاک بحریہ کی جانب سے جاری بیان کے مطابق نیول چیف نے ڈپٹی کمانڈر یو ایس نیول فورسز سینٹرل کمانڈ سے بھی ملاقات کی، ملاقات میں بحری،سیکیورٹی کے امورپر تبادلہ خیال کیاگیا، ترجمان کا کہنا تھا کہ دورہ دونوں ملکوں بالخصوص بحری افواج کے مابین تعلقات کو مزید فروغ دےگا۔
