ایرانی وزیر دفاع امیر حاتمی نے کہا ہے کہ اگر اسرائیل نے اسلامی جمہوریہ ایران کے خلاف کسی بھی قسم کی جارحیت کی تو تہران حائفا اور تل ابیب کو جڑ سے اکھاڑ دے گا۔
غیر ملکی نیوز ایجنسی کے مطابق امیر حاتمی نے کا ایک اجلاس سے خطاب کرتے ہوئے کہنا تھا کہ بعض اوقات صیہونی حکومت [اسرائیل] مایوسی کے عالم میں اسلامی جمہوریہ ایران کیخلاف دھمکی آمیز بڑے دعوے کرتی ہے لیکن اسے یہ ضرور جان لینا چاہئے کہ اگر اس نے کوئی بھی ایران کیخلاف اقدام کیا تو ہم ان کا مقابلہ کریں گے۔
انہوں نے مزید کہا کہ اسرائیل کے دونوں بڑے شہروں ہائفا اور تل ابیب کو فتح کرنے کے منصوبے پر سپریم لیڈر علی خامنہ ای کی منظوری سے عمل کیا جائے گا۔
واضح رہے کہ گذشتہ ہفتے اسرائیلی وزیر دفاع بینی گانٹز نے کہا تھا کہ اگر دنیا ایران کے جوہری پروگرام کو روکنے کیلئے کچھ نہیں کرسکتی تو اسرائیل تنہا کافی ہے۔ انہوں نے مزید کہا تھا کہ تل ابیب ایران پر ممکنہ فوجی حملے کے اپنے منصوبوں کو تیار کررہا ہے۔
