وزیر اعظم عمران خان نے پاکستان تحریک انصاف کے تمام اراکین قومی اسمبلی کو خط لکھ دیا۔
ذرائع ابلاغ کے مطابق وزیر اعظم عمران خان نے بطور چیئرمین پاکستان تحریک انصاف خط تحریر کیا جس میں کہا گیا ہے کہ 12 بج کت 15 منٹ کے بعد کسی رکن قومی اسمبلی کو اسمبلی ہال میں آنے کی اجازت نہیں ہوگی۔
خط میں مزید کہا گیا کہ 12 بج کر 15 منٹ کے بعد اسمبلی ہال اور چیمبر کے دروازے بند ہوجائیں گے، پارٹی ہدایت کے مطابق ارکان کو اعتماد کے ووٹ کے لیے حاضری یقینی بنانا ہوگی۔
عمران خان نے خط میں لکھا کہ پارٹی ہدایت کی خلاف ورزی پر اعلامیہ الیکشن کمیشن میں پیش کیا جا سکتا ہے، عدم حاضری پر رکن کے خلاف نااہلی کی کارروائی شروع کی جائے گی۔
