انسداد دہشتگردی کی عدالت نے اپوزیشن لیڈر سندھ حلیم عادل شیخ کی دو مقدمات میں ضمانت مسترد کر دی جب کہ سمیر شیخ کی دونوں مقدمات میں ضمانت منظور کر لی۔
تفصیلات کے مطابق انسداد دہشتگرد ی کی عدالت نمبر 3 نے درخواستوں پر فیصلہ سناتے ہوئے حلیم عادل شیخ کی پی ایس 88 میں ہنگامہ آرائی اور تجاوزات کیس میں ضمانت مسترد کردی۔
عدالت نے سمیر شیخ سمیت 6 ملزمان کی کی دونوں مقدمات میں 50 ہزار کےعوض ضمانت منظور کر لی۔
پیشی کے موقع پر حلیم عادل شیخ نے کہا کہ سپریم کورٹ کی رائے سے ہماری فتح ہوئی، ہم بکاؤ مال نہیں، ایم پی ایز ہیں، سپریم کورٹ کے فیصلے کو من و عن تسلیم کرتے ہیں۔
انہوں نے کہا کہ امید ہے الیکشن کمیشن سپریم کورٹ کے فیصلے پر عملدرآمد کرائے گا، پیپلزپارٹی نے ہمارے ایم پی ایز سے رابطہ کیا، ہمیں کسی پر شک نہیں، تمام ایم پی ایز ہمارے ساتھ ہیں۔