پاک فوج کے شعبہ تعلقات عامہ آئی ایس پی آر کا کہنا ہے کہ 27 فروری کو تمام خطرات کا سامنا کرتے ہوئے وطن عزیز کا دفاع کیا۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) نے سماجی رابطے کی ویب سائٹ ٹوئٹر پر 27 فروری 2019 کو بھارتی جارحیت کے خلاف بھرپور جواب دینے کے 2 سال مکمل ہونے پر اپنے پیغام میں کہا ہے کہ مسلح افواج نے 27 فروری کو قوم کے تعاون سے وطن کا دفاع کیا۔
ڈی جی آئی ایس پی آر نے کہا کہ پاکستان امن پسند ملک ہے اور وقت آیا تو ہر چیلنج کا جواب بھرپورطاقت سے دیا جائے گا۔
ٹوئٹر پیغام میں ڈی جی آئی ایس پی آر کا مزید کہنا تھا کہ قوم کے حوصلے اورعزم سے کامیابی ملتی ہے جبکہ تمام خطرات کا سامنا کرتے ہوئے وطن عزیز کا دفاع کیا۔
27th Feb, 2019 is testament that Pak AF, with support of the nation, will always defend the motherland against all threats. It is not numbers but courage & will of a resilient nation that triumphs in the end. Pak stands 4 peace but when challenged, shall respond with full might
— DG ISPR (@OfficialDGISPR) February 27, 2021