سماجی رابطوں کی مقبول ترین ویب سائٹ فیس بک نے بھی اب اپنی اسمارٹ واچ تیار کرنے پر کام شروع کر دیا ہے جو کہ آئندہ سال متعارف کرانے کی توقع کی جا رہی ہے۔
غیر ملکی خبر رساں ادارے کے مطابق فیس بک کی اسمارٹ واچ کے پہلے ورژن میں اوپن سورس اینڈرائیڈ آپریٹنگ سسٹم اور بِلٹ اِن سیلولر کنکشن موجود ہو گا۔
رپورٹ کے مطابق فیس بک کی اسمارٹ واچ بھی دیگر اسمارٹ واچز کی طرح ہی فٹنس اور صحت سے متعلق فیچرز سے لیس ہو گی۔
فیس بک کی اسمارٹ واچ مارکیٹ میں کس حد تک کامیاب ہو گی اس حوالے سے کچھ کہنا قبل از وقت ہے کیونکہ صارفین کی پرائیوسی کے حوالے سے کمپنی کا ریکارڈ خاصا بہتر نہیں ہے۔
