لاس اینجلس: گالف کے سابق عالمی نمبر ایک کھلاڑی ٹائیگر ووڈز لاس اینجلس میں ٹریفک حادثے میں شدید زخمی ہوگئے تاہم حادثے میں انہیں گہری زخم آئے ہیں مگران کی جان کو کوئی خطرہ نہیں۔
بین الاقوامی میڈیا رپورٹس کے مطابق 45 سالہ گالف چیمپیئن ٹائیگر ووڈز کی گاڑی لاس اینجلس کے قریب تیز رفتاری کے باعث ٹکرا کر الٹ گئی جبکہ حادثے میں امریکی گالفر ٹائیگرووڈز کو پاؤں میں گہرے زخم آئے ہیں۔
پولیس کے مطابق ٹائیگر ووڈز خود گاڑی چلا رہے تھے اور ان کی کار کی رفتار بہت زیادہ تھی اس دوران ان کی کار درخت سے ٹکرانے کے بعد کئی مرتبہ الٹی ہوکر روڑ سے دور جاگری جبکہ حادثے میں انہیں بہت سی چوٹیں لگی ہیں۔
لاس اینجلس کاؤنٹی فائر محکمہ کے سربراہ ڈیرل اوسبی نے حادثے کی تصدیق کرتے ہوئے کہا ہے کہ ٹائیگر ووڈز کی حالت مستحکم ہے اور وہ ہوش میں ہیں اور مجھے پتہ چلا ہےکہ ان کی ٹانگ میں شدید چوٹیں آئی ہیں۔
This morning @LMTLASD responded to a roll-over collision in which @TigerWoods was injured. Please see our statement… pic.twitter.com/cSWOxKZC1w
— LA County Sheriffs (@LASDHQ) February 23, 2021
دوسری جانب واقعے کی اطلاع ملنے پر امدادی ٹیمیں جائے حادثے پر پہنچی اور ٹائیگر ووڈز کو گاڑی کے ملبے سے نکال سے ہاربر یو سی ایل اے میڈیکل سینٹر منتقل کیا جبکہ کاؤنٹی شیرف نے واقعے سے متعلق بتایا کہ سابق ورلڈ چیمپیئن ٹائیگر ووڈز کی انجری جان لیوا نہیں ہے اور حادثے سے متعلق ابھی تک کوئی ثبوت حاصل نہیں ہوسکا ہے اور نہ ہی گاڑی میں خرابی سے متعلق کوئی اطلاع منظر عام پر آئی ہے۔
یاد رہے ٹائیگر ووڈز اس سے قبل 2009ء میں بھی ٹریفک حادثے کا شکار ہوئے تھے جبکہ 2017ء میں انہیں پولیس نے نشے کی حالت میں گاڑی چلانے کے شبہے میں حراست میں بھی لیا تھا۔
— Tiger Woods (@TigerWoods) February 24, 2021
واضح رہے طویل عرصے تک گالف کے نمبر ون کھلاڑی رہنے والے اور تاریخ کے کامیاب ترین گالفرز میں سے ایک ٹائیگر ووڈز ان دنوں گالف کی عالمی رینکنگ میں پچاسویں پوزیشن پر ہیں۔
