لاہور: مسلم لیگ ن کی نائب صدر کا کہنا ہے کہ عوام کا پیسا اپنی ذاتی انا کی جنگ میں جھونکنے والوں کا احتساب باقی ہے، یہ دھاندلی نہیں، منظم آپریشن تھا جو اعلیٰ سطح سے مینج ہوا۔
سماجی رابطے کی ویب سائٹ پر ٹوئٹ کرتے ہوئے مریم نواز نے کہا کہ الیکشن کمیشن کا عملہ اغوا کرکے پوری رات ایک مقام پر رکھا گیا، تحریک انصاف کے سرکردہ اراکین کی موجودگی میں نتائج تبدیل کرائے گئے۔
یہ دھاندلی نہیں،ایک منظم آپریشن تھا جو اعلی سطح سے مینج ہورہا تھا۔الیکشن کمشن کا عملہ اغوا کر لینا،ان کو پوری رات ایک مقام پر رکھنا، وہاں تحریک انصاف کے سرکردہ اراکین کی موجودگی میں نتائج تبدیل کرانا اور پھر 14 گھنٹے بعد انکا اچانک با جماعت وارد ہو جانا نچلے لیول کا کام ہے؟واہ 👏 https://t.co/YjcL3dBg3L
— Maryam Nawaz Sharif (@MaryamNSharif) February 23, 2021
ن لیگ کی نائب صدر کا مزید کہنا تھا کہ براڈشیٹ تو اپنے جھوٹے الزامات پر عدالت میں عزت افزائی کروا چکی ہے مگر ابھی ان لوگوں کا احتساب باقی ہے جو پاکستانی عوام کا پیسا اپنی ذاتی انا کی جنگ میں جھونکتے رہے۔
