نواز شریف کی ضمانت کے بعد توہین عدالت کیس

27

اسلام آباد(آن لائن)اسلام آباد ہائیکورٹ کے چیف جسٹس اطہرمن اللہ کی عدالت نے نواز شریف کی ضمانت کے بعد عدلیہ مخالف پروگرام کرنے سے متعلق توہین عدالت کیس کو سوشل میڈیا رولز سے متعلق کیسز کے ساتھ اس کیس کو بھی منسلک کرنے کی ہدایت کردی۔دوران سماعت سینئر صحافی حامد میراوراسلام آباد ہائیکورٹ جرنلسٹ ایسوسی ایشن کی جانب سے کاشف ملک ایڈووکیٹ عدالت کے سامنے پیش ہوئے۔عدالت نے کہاکہ اٹارنی جنرل سوشل میڈیا رولز پر اسٹیک ہولڈرز سے مشاورت کے بعد آگاہ کریں ،عدالت نے کورٹ رپورٹنگ سے متعلق عدالتی معاونین کو بھی جواب جمع کرانے کی ہدایت کی اور حامد میر سے کہاکہ آپ اس کیس میں اپنے آپ کو پٹشنر سمجھیں،عدالت نے صحافیوں کی پروٹیکشن کے لیے پاکستان بار کونسل کی کمیٹی کو بھی نوٹس جاری کردیا۔ چیف جسٹس نے کہاکہ اٹارنی جنرل نے مناسب موقف لیا تھا کہ وہ سوشل میڈیا رولز پر اسٹیک ہولڈرز سے مشاورت کریں گے،جن اسٹیک ہولڈرز سے مشاورت نہیں ہوئی ان کو بھی اٹارنی جنرل بلائیں ،مشاورتی عمل تمام اسٹیک ہولڈرز سے مکمل کریں، بے شک مزید وقت لے لیں۔عدالت نے کیس کی مزید سماعت 26 فروری تک ملتوی کردی۔