لاہور: معاون خصوصی فردوس عاشق اعوان کا کہنا تھا کہ مسلم لیگ نواز نے ووٹ کو عزت دو کا جھوٹا نعرہ لگایا ، جعلساز راجکماری نے چوری کا الزام مخالفین پر ڈال دیا ہے جبکہ الیکشن کمیشن ن لیگ کی ڈکٹیشن پر جمہوری عمل میں رکاوٹ کی بجائے فاتح امیدوار کا اعلان کرے۔
تفصیلات کے مطابق ان خیالات کا اظہار وزیراعلیٰ پنجاب سردار عثمان بزدار کی معاون خصوصی برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر کیا اور کہا کہ راجکماری این اے 75 میں مسترد ہونے کے بعد جھوٹی پٹاری لےکر پھر میدان میں ہے۔
جھوٹ کے بیوپاریوں کی جھوٹی راجکماری NA75 ڈسکہ میں مسترد ہونےکے بعد جھوٹ کی نئی پٹاری لےکر ایک بارپھر میدان میں؛ ووٹ کو عزت کا جھوٹا نعرہ لگانےوالی ن لیگ کے MPAعادل چٹھہ کو ووٹوں سےبھرا تھیلا لیکر بھاگتے پورا ملک دیکھ چکا مگر جعلساز راجکماری نے اپنی چوری کا الزام مخالفین پر ڈالا۔
— Dr. Firdous Ashiq Awan (@Dr_FirdousAwan) February 21, 2021
معاون خصوصی نے اپنے ٹوئٹ میں کہا کہ ن لیگی ایم ، پی اے عادل چٹھہ کو ووٹوں کا تھیلا لیکر بھاگتے سب دیکھ چکے ہیں اور اس کے باوجود جعلساز راجکماری نے اپنی چوری کا الزام مخالفین پر ڈالا۔
پی ٹی آئی کارکنان کو مبارکباد جو مسلح ن لیگ کی غنڈہ گردی کےآگے ثابت قدم رہے اور منشیات فروش ٹولےکو ہمیشہ کیلئےچلتا کیا! ن لیگ کا نوشہرہ کی جیت پر جشن، ڈسکہ ہار پر دھاندلی کا رونا! الیکشن کمیشن ن لیگ کی ڈکٹیشن پر جمہوری عمل میں رکاوٹ بننے کی بجائے فورا فاتح امیدوار کا اعلان کرے!
— Dr. Firdous Ashiq Awan (@Dr_FirdousAwan) February 21, 2021
فردوس عاشق اعوان نے پی ٹی آئی کارکنان کو ن لیگ کے مسلح کارکنوں کے آگے ثابت قدم رہنے پر مبارک باد پیش کی جبکہ معاون خصوصی کا کہنا تھا کہ پی ٹی آئی کارکنان نے منشیات فروش ٹولے کو ہمیشہ کےلیے چلتا کردیا ، ن لیگ کا نوشہرہ کی جیت پر جشن اور ڈسکہ کی ہار پر دھاندلی کا رونا ہے۔
معاون خصوصی فردوس عاشق اعوان نے مزید کہا کہ الیکشن کمیشن ن لیگ کی ڈکٹیشن پر جمہوری عمل میں رکاوٹ کی بجائے فاتح امیدوار کا اعلان کرے۔