بھارتی پنجاب کے ہوشیار پور گاؤں میں مبینہ طور پر قرضوں کے بوجھ تلے ایک کسان اور اس کے بیٹے نے خودکشی کرلی۔
بھارتی میڈیا کے مطابق دونوں نے اپنی موت سے قبل نوٹ میں تحریر کیا کہ وہ حکومت کے نئے فارم قوانین اور کسانوں کو دئیے گئے قرضوں میں نرمی نہ کرنے پر ناراض ہیں۔
ڈپٹی سپرنٹنڈنٹ پولیس منیش کمار نے بتایا کہ جگتار سنگھ (70) اور اس کا بیٹا کرپال سنگھ (42) ہفتہ کی صبح مہدی پور گاؤں میں واقع اپنی رہائش گاہ پر مردہ پائے گئے۔ پولیس نے بتایا کہ انہوں نے مبینہ طور پر ایک زہریلا مادہ کھایا تھا۔ ان کی رہائش گاہ سے برآمد خودکش نوٹ میں انہوں نے لکھا ہے کہ وہ قرض کی وجہ سے انتہائی اقدام اٹھا رہے ہیں۔
دونوں کے پاس ایک ایکڑ اراضی کی ملکیت تھی۔
