عراق اسرائیل سے تعلقات بحال کرنے سے باز رہے، مقتدٰ الصدر کا انتباہ

330

عراقی سدرسٹ موومنٹ کے رہنما اور شیعہ عالم مقتدا الصدر نے کہا ہے کہ ان کی تحریک عراق اور اسرائیل کے مابین تعلقات بحال نہیں ہونے دے گی چاہے اس کی قیمت خون ہی کیوں نہ ہو۔

غیر ملکی خبررساں ادارے کے مطابق الصدر نے جنوبی شہر نجف میں صحافیوں سے گفتگو کرتے ہوئے کہا کہ عراق اور اسرائیل کے تعلقات بحال ہونے کا خطرہ منڈلا رہا ہے اور پارلیمنٹ کو اس کی فوری روک تھام کرنی چاہئے۔ ہم ہرگز اس کی اجازت نہیں دیں گے چاہے ہمیں جانوں کا نذرانہ ہی کیوں نہ پیش کرنا پڑے۔

واضح رہے کہ جنوری میں سکریٹری جنرل طلال حریری کی سربراہی میں 25 اکتوبر کے نام سے ایک نئی تحریک تشکیل دی گئی ہے جس نے اسرائیل کے ساتھ اچھے تعلقات استوار کرنے کا مطالبہ کیا ہے۔