تنزانیہ نے کورونا فری ہونے کا دعویٰ کردیا

211

افریقی ملک تنزانیہ نے دعویٰ کیا ہے کہ خطے میں اب کورونا وائرس کا کوئی مریض موجود نہیں ہے۔

غیر ملکی خبررساں ادارے کے مطابق تنزانیہ نے ملک کو کورونا فری خطہ قرار دے دیا اور کہا ہے کہ اب یہاں ویکسینیشن کی بھی ضرورت نہیں ہے۔ صدر جان موگوفلی نے ویکسینیشن سے انکار کرتے ہوئے اُس پر تحفظات بھی اٹھائے ہیں۔ انہوں نے ایک تقریب سے خطاب بھی کیا جہاں کوروناوائرس سے بچنے کیلئے کوئی بھی احتیاطی تدابیر نہیں اپنائی گئی تھیں۔

تاہم دوسری جانب عالمی ادارہ صحت (ڈبلیو ایچ او) نے تنزانیہ کو کورونا سے بچاؤ کیلئے احتیاطی تدابیر اپنائے رکھنے اور ویکسین کے حصول کے لیے سنجیدہ اقدامات بھی جاری رکھنے کا مطالبہ کیا ہے۔