حیدرآباد: پاکستان ڈیموکریٹک موومنٹ (پی ڈی ایم) آج حیدرآباد میں جلسہ کرکے سیاسی طاقت کا مظاہرہ کرنے جا رہی ہے جبکہ جلسے کی تیاریاں مکمل کرلی گئیں اور جلسے کیلیے سکیورٹی کے سخت انتظامات کیے گئے ہیں۔
تفصیلات کے مطابق اپوزیشن اتحاد پاکستان ڈیمو کریٹک موومنٹ (پی ڈی ایم) آج حیدر آباد میں سیاسی قوت کا مظاہرہ کر رہی ہے جس کے سلسلے میں تیاریاں مکمل کرلی گئیں جبکہ جلسے کی میزبان پاکستان پیپلز پارٹی نے حیدرآبادکے ہٹری بائی پاس گراؤنڈ میں پنڈال سجا لیا ہے۔
جلسے سے سربراہ پاکستان ڈیموکریٹک موومنٹ مولانا فضل الرحمٰن ، چیئرمین پاکستان پیپلز پارٹی بلاول بھٹو زرداری اور دیگر قائدین بھی خطاب کریں گے جبکہ جلسہ گاہ اور اطراف میں پارٹی پرچم اور بینرز سجا دیئے گئے اور گراؤنڈ میں کرسیاں لگا دی گئیں ہیں۔
حیدرآباد شہر میں پی ڈی ایم کے جلسے کے سلسلے میں مختلف مقامات پر استقبالیہ کیمپ قائم کردیئے گیے ہیں اور شاہراہوں اور عمارتوں کو پارٹی پرچموں اور قائدین کی تصاویر سے سجا دیا گیا ہے۔
دوسری جانب مولانا فضل الرحمان کا کہنا تھاکہ ان کی کسی سےلڑائی نہیں ہے، ہر ادارہ اپنی حدود میں رہ کر کام کرے، ہم لانگ مارچ سے حکومت ختم کریں گے جبکہ بلاول بھٹو کا کہناتھا کہ فوج کا سیاست میں کردار نہیں ہونا چاہیے، انہوں نے سینیٹ سے متعلق صدارتی آرڈیننس کو عدالت میں چیلنج کرنے کا اعلان بھی کیا ہے۔
پی پی پی رہنما شیری رحمٰن کا کہنا ہےکہ پیپلز پارٹی کی میزبانی میں پی ڈی ایم کا پاور شو آج حیدر آباد میں ہونے جا رہا ہے ، انہوں نے حکومت پر تنقید کرتے ہوئے یہ بھی کہا کہ یہ فساد کرتے ہیں اور اپوزیشن کو تنقید کا نشانہ بناتے ہیں، ملک کو آرڈیننس فیکٹری بنا دیا گیا ہے۔
 آج حیدرآباد میں جلسہ کرکے سیاسی طاقت کا مظاہرہ کرنے جا رہی ہے جبکہ جلسے کی تیاریاں مکمل کرلی گئیں اور جلسے کیلیے سکیورٹی کے سخت انتظامات کیے گئے ہیں۔){kind=link}