کے الیکٹرک نے نیشنل الیکٹرک پاور ریگولیٹری اتھارٹی (نیپرا )سے بجلی 3 روپے 23 پیسے مہنگی کرنے کی درخواست کردی۔
میڈیا رپورٹس کے مطابق کے الیکٹرک کی جانب سے 7 ماہ کی ایڈجسٹمنٹس کی مد میں نیپرا کو قیمتوں میں ردوبدل کی درخواست دی ہے، جس میں 4 ماہ کے لیے بجلی مہنگی جبکہ 3 ماہ کے لیے سستی کرنے کی استدعا کی گئی ہے۔
درخواست میں جولائی،اگست،ستمبر اور اکتوبر 2020 کے لیے بجلی 3 روپے 23 پیسے مہنگی کرنے جبکہ جون،نومبر اور دسمبر 2020 کے لیے بجلی ایک روپے 52 پیسےسستی کرنے کی استدعا کی گئی ہے۔
اپریل سے جون 2020 کے لیے بجلی 3 روپے 91 پیسے سستی، جولائی تا دسمبر 2020 کے لیے بجلی 3 روپے 79 پیسے مہنگی کرنے کی درخواست کی گئی ہے،نیپرا کے الیکٹرک کی درخواست پر 23 فروری کو سماعت کرے گا۔