کورونا وائرس: مختلف ممالک میں ویکسین پہنچانے کا سلسلہ جاری

405

دنیا کے مختلف ممالک میں کورونا وائرس سے بچاؤ کی ویکسین پہنچانے کا سلسلہ جاری ہے۔

غیر ملکی خبر ایجنسی کے مطابق روس کی بنی کورونا ویکسین اسپٹنک فائیو فلسطین اور ایران پہنچا دی گئی جہاں ویکسینیشن ہونے ابھی باقی ہے۔

برازیل کو چینی ویکسین سائنوفارم کی 8 ملین خوراکیں مل گئیں۔ برازیل میں کورونا وائرس کے مریضوں کی تعداد زیادہ ہے جب کہ ملک میں صحت کا بحران ہے۔

چین میں اب تک 30 ملین افراد کو ویکسین دی جا چکی ہے۔ چینی ویکسین سائنوفارم پاکستان بھی پہنچائی گئی۔ چین کی جانب سے پاکستان کو تحفے کے طور پر ویکسین کی 5 لاکھ خوراکیں دے دی گئیں۔

اسرائیل میں کورونا ویکسین 16 سال سے زائد عمر کے افراد کو دی جائے گی۔