مہنگائی کم کرنے کی حکومتی کوششیں رنگ لا رہی ہیں: وزیراعظم

285

اسلام آباد: وزیر اعظم عمران خان نے ایک مرتبہ پھر پاکستانی قوم کو معاشی محاذ پر کامیابی کی خوشخبری سنا دی۔

وزیراعظم عمران خان نے ٹوئٹ کرتے ہوئے بتایا کہ معاشی میدان میں مزید خوشخبریاں آرہی ہیں۔ افراط زر کو کنٹرول کرنے کے لیے کیے گئے حکومتی اقدامات مؤثر ثابت ہوئے۔

وزیر اعظم نے کہا کہ معاشی ٹیم کو متحرک کردیا گیا تاکہ مہنگائی پر مزید قابو پایا جاسکے۔

عمران خان نے مزید کہا کہ حکومت کی مہنگائی کم کرنے کی کاوشیں رنگ لا رہی ہیں۔ تحریک انصاف حکومت کی تشکیل کے وقت سی پی آئی اور کور انفلیشن کم ہوگئے۔

وزیر اعظم نے اقتصادی ٹیم کو چوکس رہنے اور مہنگائی قابو میں رکھنے کی ہدایت کردی۔