گوگل نے جی میل میں اہم اپ ڈیٹ کا اضافہ کردیا

227

گوگل نے گزشتہ سال جی میل میں اپم اپ ڈیٹ کی تھی اور اب ایک بار پھر ای میل سروس کو مزید بہتر بنایا گیا ہے۔

ایک سال سے بھی کم مدت میں کی جانے والی اس نئی اپ ڈیٹ کا مقصد ای میل سروس کا استعمال صارفین کے لیے آسان بنانا ہے۔

گوگل کی جانب سے ای میل کے ویب ورژن کے لیے اس اپ ڈیٹ کو متعارف کرایا گیا ہے۔

اس اپ ڈیٹ کے بعد صارفین اس ای میل سروس کے اندر نیوی گیشن کے لیے چیٹ اور رومز سیکشنز کو ری سائز کرسکیں گے، جو بائیں جانب ہوتے ہیں۔

گوگل کا کہنا ہے کہ اس سے صارفین کے لیے اہم ترین گفتگو کو ٹریک کرنا آسان ہوجائے گا اور متعلقہ چیٹ تک جلد رسائی حاصل ہوسکے گی۔

اس فیچر کو استعمال کرنا آسان ہے، چیٹ اور رومز سیکشنز کو کلک کرکے ری سائز کیا جاسکتا ہے، ان کو کھینچ کر گرے رنگ کے سیکشن کے ہیڈر میں لے جاکر اپنی مرضی کے مطابق لمبا یا مختصر کیا جاسکتا ہے۔

گوگل کا کہنا تھا کہ اس فیچر کو تمام صارفین کے لیے متعارف کرانے کا سلسلہ شروع ہوگیا ہے جبکہ یہ گوگل ورک اسپیس، بزنس اسٹارٹر، بزنس اسٹینڈرڈ، بزنس پلس، انٹرپرائز اور دیگر کے صارفین کو بھی دستیاب ہوگا