ہروعدے پر یوٹرن لینا کسی خود دار آدمی کی نشانی نہیں، احسن اقبال

163

لاہور: مسلم لیگ ن کے رہنما احسن اقبال کا کہنا ہے کہ ہروعدے پر یوٹرن لینا کسی خود دار آدمی کی نشانی نہیں،عمران خان اپنی ہر نااہلی کا الزام گزشتہ حکومت پر ڈال دیتے ہیں۔

پریس کانفرنس کرتے ہوئے احسن اقبال نے عمران خان پر مزید تنقید کرتے ہوئے کہاکہ خود دار انسان اپنی بات پر کٹ مرتا ہے، پیچھے نہیں ہٹتا،وزیراعظم نے خطاب میں ایک بار پھر قوم کو لیکچر سنایا، عمران خان کی تقریر سے لگتاہے کسی این جی او کے سربراہ ہیں۔

احسن اقبال کا کہنا تھا کہ عمران خان نے ترقی کرتی ہوئی معیشت کو ڈبو دیا،وزیر اعظم  نظام کو ناکارہ قراردےکرجان چھڑانےکی کوشش کرتے ہیں،دنیا میں کوئی مثال موجود نہیں کہ کسی معیشت نے 2 سال میں 6 فیصد کریش کیا ہو۔

ن لیگ کے رہنما کا مزید کہنا تھا کہ عمران خان نے آکر ترقی کے اس تسلسل کو توڑ دیا ہے،نواز شریف کی قیادت ،ن لیگ کی قیادت نے یو ٹرن نہیں لیا،ہم نے کراچی میں امن قائم کر کے دکھایا،عمران خان کوکوئی  کام نہیں آتا،حکومت کی سمجھ نہیں کیسے چلتی ہے۔