پاکستان انٹرنیشنل سنوبورڈنگ کپ کامیابی سے ختم

116

 

پشاور (جسارت نیوز )خیبرپختونخوا کی حسین اور جنت نظیر وادی مالم جبہ میں محکمہ سیاحت خیبرپختونخوا کے زیرانتظام خیبرپختونخوا کلچر اینڈ ٹورازم اتھارٹی اور سیمسن گروپ آف کمپنی کے باہمی اشتراک سے منعقد ہ پاکستان انٹرنیشنل سنوبورڈنگ کپ کامیابی سے اختتام پذیر ہو گیا۔ اختتامی تقریب کے موقع پرسینیٹر فیصل جاوید مہمان خصوصی تھے جبکہ ان کے ہمراہ محکمہ سیاحت خیبرپختونخوا اور سیمسن گروپ آف کمپنی کے عہدیداران موجود تھے۔ پاکستان انٹرنیشنل سنو بورڈنگ کپ کے دوران خواتین کے گینٹ سلام مقابلوں میں پاکستان کی فاطمہ ندیم نے 3 منٹ 42 سیکنڈ کے وقت کے ساتھ پہلی پوزیشن حاصل کی ۔ مردوں میں بلجیئم کے وکٹر روجر نے پہلی پوزیشن حاصل کی۔