روسی صدر پوٹن کے مخالف اپوزیشن رہنما ناوالنی کی گرفتاری پر ہزاروں افراد سڑکوں پر نکل آئے۔
غیر ملکی خبررساں ادارے کے مطابق روسی صدر ولا دیمیر پوٹن کے مخالف اپوزیشن رہنما الیکسی ناوالنی کی گرفتاری کے خلاف روس کے 100 سے زائد شہروں میں ہزاروں افراد سڑکوں پر نکل آئے، احتجاجی مظاہرین اور سیکیورٹی اہلکاروں کے درمیان تصادم کے دوران پولیس نے 2500 سے زائد مظاہرین کو گرفتار کیا۔
مظاہرین سے اظہار یکجہتی کے لیے نیویارک میں بھی احتجاج کیا گیا جبکہ امریکہ اور یورپی یونین نے مظاہرین سے اظہار یکجہتی کرتے ہوئے گرفتاری پر شدید مذمت کی اورمظاہرین کی رہائی کا بھی مطالبہ کردیا۔
واضح رہے کہ ناوالنی کو زہر دیے جانے کے بعد وہ جرمنی میں زیرعلاج تھے تاہم 17 جنوری کو جرمنی سے واپسی وطن پہنچے تو ان کو ایئر پورٹ پر ہی پولیس نے حراست میں لے لیا تھا، الیکسی ناوالنی کوروس کا سب سے اہم اپوزیشن رہنما سمجھا جاتا ہے۔