وفاقی وزیر سائنس اینڈ ٹیکنالوجی فواد چوہدری کا کہنا ہے کہ اپوزیشن جماعتوں کے پاس کوئی حکمت عملی نہیں اور نہ وزیراعظم عمران خان کیخلاف تحریک عدم اعتماد لانے کی کسی میں جرات ہے۔
سماجی رابطے کی ویب سائٹ ٹوئٹر پروفاقی وزیر سائنس اینڈ ٹیکنالوجی فواد چوہدری نے اپنے پیغام میں کہا ہے کہ اپوزیشن کے پاس نہ کوئی حکمت عملی ہے اور نہ ہی کوئی پلان ہے۔
فواد جوہدری نے کہا کہ اپوزیشن جماعتیں استعفوں سے شروع ہوئے اور جلسوں پر رکے لیکن اب وہاں بھی بس ہوگئی توعدم اعتماد کی گفتگو شروع کردی۔
وزیرسائنس اینڈ ٹیکنالوجی فواد چوہدری کا مزید کہنا تھا کہ کس مائی کے لال کی جرآت ہے جو وزیراعظم عمران خان کیخلاف تحریک عدم اعتمادلانے کی، آپ تاعمر قید اور نااہلی سے بچ گئے تو غنیمت سمجھئے گا۔
اپوزیشن کے پاس نہ کوئ حکمت عملی ہے نہ پلان، استعفوں سے شروع ہوئے جلسوں پر رکے اب وہاں بھی بس ہو گئ تو عدم اعتماد کی گفتگو، کس مائ کے لال کی جرآت ہے وزیر اعظم کیخلاف تحریک عدم اعتمادلانے کی، آپ تاعمر قید اور نااھلی سے بچ گئے تو غنیمت سمجھئے گا،کیا پدی اور کیا پدی کا شوربہ
— Ch Fawad Hussain (@fawadchaudhry) January 24, 2021