پاکستان کپ،محمد عمران پر میچ فیس کا 40 فیصد جرمانہ عائد

307

کراچی (اے پی پی)سدرن پنجاب کے محمد عمران پر پی سی بی کوڈ آف کنڈکٹ اور پلئیرز اسپورٹ اسٹاف کی خلاف ورزی کرنے پر میچ فیس کا 40 فیصد جرمانہ عائد کردیا گیا ہے۔ یہ واقعہ یو بی ایل اسپورٹس کمپلیکس کراچی میں خیبر پختونخواہ اور سدرن پنجاب کے مابین کھیلے گئے پاکستان کپ کے آٹھویں رائونڈ کے میچ میں پیش آیا۔محمد عمران پی سی بی کوڈ آف کنڈکٹ کے آرٹیکل 2.8 کی خلاف ورزی کے مرتکب پائے گئے۔ یہ آرٹیکل میچ کے دوران امپائر کے فیصلے پر نامناسب رویہ ظاہر کرنے سے متعلق ہے۔یہ واقعہ خیبر پختونخوا کی بیٹنگ کے دوران اننگز کے چوتھے اوور میں پیش آیا۔