شکاگو میں ایک اڑتے ہوئے جہاز کا پہیا ایک رہائشی گھر کے سامنے زوردار آواز کے ساتھ گرا۔
شکاگو کے محکمہ ہوا بازی نے بتایا کہ جمعرات کی شام شکاگو کے او ہیر بین الاقوامی ہوائی اڈے پر لینڈنگ کے وقت ایک طیارے کو چنگاریاں مارتے ہوئے دیکھا گیا۔ جب یہ محفوظ طریقے سے ایک اسٹاپ پر پہنچا تو حکام نے نوٹ کیا کہ طیارے کے بائیں جانب سے لینڈنگ گیئر اسمبلی کا ایک ٹائر غائب تھا۔
اسی اثناء میں پولیس کو مقامی جیفرسن پارک کے پڑوس میں ایک رہائشی علاقے سے ہوائی جہاز کے لینڈنگ گیئر کے پہیے کے گرنے کی اطلاع ملی۔ پڑوسیوں کا کہنا تھا کہ پہیہ زوردار آواز کے ساتھ گرا تھا۔ مکینوں کے مطابق پہیے سے کوئی بھی زخمی نہیں ہوا ہے اور نہ ہی املاک کو نقصان پہنچا ہے۔
فیڈرل ایوی ایشن ایڈمنسٹریشن اور نیشنل ٹرانسپورٹیشن سیفٹی بورڈ نے کہا کہ انہوں نے واقعے کی تحقیقات کا آغاز کردیا ہے۔
