دسمبر 2020 ء میں کرنٹ اکائونٹ خسارے میں نمایاں کمی

86

کراچی ( اسٹاف رپورٹر )دسمبر 2020میں کرنٹ اکائونٹ خسارے میں نمایاں کمی واقع ہوئی ، 5ماہ مسلسل کرنٹ اکاونٹ سرپلس رہنے کے بعد خسارے میں تبدیل ہوا۔اسٹیٹ بینک نے اپنی رپورٹ میں کہا ہے کہ دسمبر 2020 میں 66کروڑ 20 لاکھ ڈالر کا کرنٹ اکائونٹ خسارہ ریکارڈ کیا گیا۔رپورٹ میں کہا گیا ہے کہ مسلسل5ماہ کرنٹ اکائونٹ سرپلس رہنے کے بعد خسارے میں تبدیل ہوا، رواں مالی سال 6ماہ میں مجموعی کرنٹ اکائونٹ 1 ارب 10 کروڑ ڈالر سرپلس ریکارڈ کیا گیا۔ گزشتہ مالی سال اسی مدت میں دو ارب ڈالر کرنٹ اکانٹ خسارہ تھا جبکہ دسمبر 2020 میں برآمدات اور ترسیلات میں اضافے کا سلسلہ برقرار رہا۔ اسٹیٹ بینک کی رپورٹ کے مطابق چینی ، گندم کی درآمدات میں نمایاں اضافہ بھی ہوا، صنعتوں کے خام مال کی درآمدات میں بھی اضافہ ہوا۔