جنوبی افریقی اسکواڈ رکن فاف ڈوپلیسی نے کہا ہے کہ پاکستان میں ٹیسٹ کرکٹ ایسا لمحہ ہے جو اب تک اپنی زندگی میں نہیں دیکھا۔
دورہ پاکستان پر آئے ہوئے جنوبی افریقی ٹیم کے سینئر پلیئر فاف ڈوپلیسی نے ویڈیو پیغام میں کہا کہ جانتا تھا کہ یہاں محدود طرز کی کرکٹ تو کھیلی جارہی ہے لیکن اندازہ نہیں تھا کہ اتنی جلدی طویل طرز کی کرکٹ بھی کھیلی جائے گی۔
فاف ڈوپلیسی نے کہا کہ اب پاکستان میں ٹیسٹ کرکٹ کے دوبارہ آغاز کے منتظرہوں، یقین ہے کہ یہ بالکل 13 سال پہلے جیسا آغاز ہی ہوگا۔
.@faf1307 looking forward to his first Test on Pakistani soil
More: https://t.co/NDDvHt8OVT #PAKvSA #HarHaalMainCricket pic.twitter.com/VbIrMF04b4— Pakistan Cricket (@TheRealPCB) January 21, 2021
انہوں نے کہا کہ یہاں کی ایک نسل کرکٹرز کو اپنے میدانوں میں کھیلتا نہیں دیکھ سکی، نوجوانوں کو متاثر کرنےکے لیےپاکستان اپنی سرزمین پر کرکٹ کھیلے۔
بیٹسمین کا مزید کہنا تھا کہ ہم بلے بازوں کے لیے رنز بنانے کے مواقع زیادہ ہیں، پاکستان میں ٹیسٹ کرکٹ ایسا لمحہ ہے جو اب تک اپنی زندگی میں نہیں دیکھا، امید ہے کہ ٹیم کا یہ دورہ بین الاقوامی کرکٹ ٹیموں کو لانے میں مدد کرے گا۔