لاہور: پاکستان میں کرکٹ کے میدان ایک بار پھر سے آباد ہونے لگے ہیں جس کے بعد لاہور کے تاریخی قذافی اسٹیڈیم کی تزئین و آرائش کا کا م شروع کر دیا گیا ہے جبکہ پاکستان سپر لیگ 6 کا فائنل لاہور اسٹیڈیم میں کھیلا جائے گا۔
تفصیلات کے مطابق قذافی اسٹیڈیم کو ایک بار پھر میچز کی میزبانی کے لیے تیار کیا جا رہا ہے، قذافی اسٹیڈیم کی جانب سے ساؤتھ افریقہ کے خلاف تین ٹی ٹونٹی میچز کی میزبانی کی جائے گی، فائنل سمیت پاکستان سُپر لیگ کے چھٹے ایڈیشن کے دوسرے مرحلے کے میچز بھی قذافی اسٹیڈیم میں ہی کھیلے جائیں گے۔
قذافی اسٹیڈیم میں طویل وقفے کے بعد میچز کا انعقاد ہونے جا رہا ہے اس لیے قذافی اسٹیڈیم خوبصورت دکھائی دینے میں کوئی کسر باقی نہ رہ جائے تزئین و آرئش کا کام شروع کر دیا گیا ہے جہاں ضروری مرمت کرنا ہے وہاں تیزی سے مرمت کا کام جاری ہے۔
قذافی اسٹیڈیم کی مین بلڈنگ کے پیٹرنز انکلوژر میں باتھ رومز بنائے جا رہے ہیں جبکہ انکلوژر کے جنگلوں کو رنگ روغن کیا جا رہا ہے اور خار دار تاریں بھی لگائی جا رہی ہیں اور اس کے ساتھ قذافی اسٹیڈیم کے اسٹینڈز سیکشن میں صفائی ستھرائی کا کام بھی جا رہی ہے۔
پاکستان اور ساؤتھ افریقہ کی ٹیموں کے درمیان تین ٹی ٹونٹی میچز کی سیریز 11 ، 13 اور 14 فروری کو قذافی اسٹیڈیم میں کھیلی جا ئے گی جبکہ پی ایس ایل کے دوسرے مرحلے کے میچز بھی قذافی اسٹیڈیم میں ہوں گے۔
دوسری جانب قذافی اسٹیڈیم میں پاکستان سپر لیگ (پی ایس ایل) 6 کا فائنل بھی کھیلا جائے گا جبکہ پی ایس ایل 6 میں خصوص تعداد میں شائقین کواجازت دینے کے لیے پی ایس ایل انتظامیہ نے نینشل کمانڈ اینڈ آپریشن سینٹر (این سی او سی) سےاجازت مانگ لی ہے۔
