اسلام آباد: وزیراعظم عمران خان کا کہنا ہے کہ پاکستان بھارتی مذموم عزائم کوبے نقاب کرتا رہے گا، بھارتی صحافی کے انکشاف نے مودی سرکاراوربھارتی میڈیا کے ناپاک گٹھ جوڑکوعیاں کیا۔
سماجی رابطے کی ویب سائٹ پر ٹوئٹ کرتے ہوئے وزیر اعظم نے کہاکہ بھارت پاکستان میں دہشتگردی کو ہوا دے رہا ہے ، عالمی برادری فاشسٹ مودی سرکار کو عسکریت پسندانہ رویے سے باز رکھے۔
بھارتی شہ پر پاکستان میں کی جانےوالی دہشتگردی،کشمیر میں اسکےمظالم اور 15 برس سےہمارےخلاف برپا اسکی عالمی کِذب تراشی (ڈس انفارمیشن) مہم کا پردہ چاک ہوچکاہے۔اب ہندوستانی میڈیانےخود وہ ناپاک گٹھ جوڑ بےنقاب کیاہےجوہمارےجوہری خطے کو اس تنازع کیجانب دھکیل رہاہےجسکےہم متحمل نہیں ہوسکتے۔
— Imran Khan (@ImranKhanPTI) January 18, 2021
عمران خان کامزید کہنا تھا کہ بھارتی صحافی کے واٹس ایپ چیٹ سے لیک ہونے والے حالیہ انکشافات میں واضح ہوا کہ مودی نے انتخابات جیتنے کے لیے خطرناک فوجی ایڈونچر کیا جو پورے خطے کو عدم استحکام کا شکار کر سکتا تھا۔