حماد اعظم پر میچ فیس کا 25 فیصد جرمانہ عائد

667

کراچی (اسٹاف رپورٹر) ناردرن کے حماد اعظم پر پی سی بی کوڈ آف کنڈکٹ اور پلئیرز اسپورٹ اسٹاف کی خلاف ورزی کرنے پر میچ فیس کا 25 فیصد جرمانہ عائد کردیا گیا ۔یہ واقعہ اسٹیٹ بینک اسٹیڈیم میں سندھ اور ناردرن کے درمیان کھیلے گئے پاکستان کپ کے 5 ویںرائونڈ کے میچ میں پیش آیا۔ حماد اعظم پی سی بی کوڈ آف کنڈکٹ کے آرٹیکل 2.2کی خلاف ورزی کے مرتکب پائے گئے۔یہ آرٹیکل میچ کے دوران غصہ کی وجہ سے کرکٹ کے سامان، کپڑوں، گرائونڈکے ساتھ نامناسب رویہ ظاہر کرنے سے متعلق ہے۔ یہ واقعہ ناردرن کی بیٹنگ کے دوران اننگز کے 35ویں اوور میں اس وقت پیش آیا جب حماد اعظم نے حریف کھلاڑی کی گیند پر وکٹوں کے پیچھے کیچ آئوٹ ہونے پر پویلین واپس لوٹتے ہوئے جارحانہ اندازسے اپنا بیٹ اپنے پیڈ پر دے مارا۔اس نامناسب رویے پر حماد اعظم کو قصوار قرار دیا گیا ۔